| shmoo5 的个人资料♥ ♡ حــيـــاكم فــي سـب...照片日志列表 |  工具  帮助 |
|
12月4日 ذكرياتهلااااعون
يوم فتحت بلوق جديد طلع علامات استفهام وغبار من زمان عن السبيس
بينما وانا احوس البارحه في دروجي لقيت اوراق قدييمه من صديقاتي يوم كنا بالمتوسط
المهم
جلست اقرا هالاوراق واضحك على خبالنا هع
وانا اقرا الاوراق لفتت نظري اوراق من نوع اخر
بجد ضحكتني ضحك
هالاوراق تبعاً من صديقتي الصدوق
ياحبني لها بس
كاتبه لي اشعار من تأليفها طبعاً
بحط لكم هالاشعار
والله كان ودي اصور الاوراق بس ماقدرت انشالله بصورهم وانزلهم الحين بس بكتب اشعارها
هذا الشعر كاتبته بحبيها منهو مدري ياحبي لها كانت تحب وانا مدري خخخخخخخخ
احببت عشقت طابت نفسي فمن هذا انه حبي انه روح للفؤاد وبلسمي انه لي مؤنس ومسلي حبه الان امنية لي هو وصوته الصاري
انتم لاحظو بس فمن هذا يقالها اسلوب تشويق خخخخخخخخخ
انا الشي اللي وقفت عنده ساعتين ابي افهمه صوته الصاري اموت واعرف وش معناها ومن وين مطلعتها
ياحبي لها تحسونها عاشقه
لويدرون الناس ماقرو عن جميل بثينه وقيس وليلى ولاشي بالنسبه لاشعارها
ويلومني فيك يوم اغليك يابنت بن خيخي وكل هالاحاسيس فيك
::::::::::::::::::::::::
السالفه الثانيه اخر يوم كنا جالسين كل وحده تكتب للثانيه
طبعاً حنا نعبر ومسوين فيها
لقيت ورقه كاتبه فيها وحده من البنات وبس ولو يختي
البنت كاتبه لي
اخر يوم من الامتحانات جو رومنسي هواء بارد ذكريات جميله
خخخخخخخخخخخخخخ ياحبني لهالبنت والله ماتدري وين الرومنسيه معه ماضنيت فيه رومنسيه من ورانا
لكن بس ولو يختي كاتبه فيني شعر
كاتبه:
حبي اهدي لك هذا الشعر الذي من اعظم الاشياء لدي::
انا اشهد انك مملوحه حبوبه اموره س قزومه تحبين اشياء كثيره من بينها بيان وبتوله
خخخخخخخخخخخخخخ انا يوم قريت من اعظم الاشياء لدي قلت هذي بتمدحني
بالاخير قزومه
انا شكيت صراحتن ان هالشعر هجاء خخخخخخخخ
ياحبي لها ذا البنت بس كانت لاعبتن عالبنات بحصص الفراغ يتجمعون على طاولتها وتكتب فيهم اشعار خخخخخخخخخخخخخخ وكانت تجيها طالبات من البنات تكتب فيهم شعر عاد هي لااستعصى الامر معها قامت توزع عليهم نفس الشعر بس تغير الاسماء خخخخخخخخخخخخخخخخ
ياحلو ايام المتوسط بس
ودي اعرف انا وش كنت كاتبه لهم احس اني اردى منهم بس للعسف ماعندي ولااضنهم هم محتفظين فيها
وبـــــســـك
والاوراق بحاول اصورها واحطها هنا 11月11日 رحنا البر رحنا الكشته تبعاً كلكم عارفين الجو هالايام
مره خطير ماهنا ازين من التبطح الصبح بالحوش بهالجو
والادهى والامر انك تتبطح بمكان مفتوح خارج بيتك هع
^
^^
وش رايكم فيني اعرف اكتب مقدامات هااع
 المهم الزبده من هالمقدمه
اننا في الامس كنا في مخيم
يوم رحنا للمخيم قلت ورا ماصور لزوار سبيسي
وفعلا صرت قول وفعل وصورت لكم هع ياحبيلي بس
بداية:
طلعنا من بيتنا الساعه3و45 دقيقه عصراً
لاوابشركم كنا ناوين نطلع من الساعه2
بس محد قام
ياعمري امي مشخصه من الظهر وبالصاله مغير تنادي
ولااحد لمها
من جد وش يودينا من الظهر شمس
المهم مالكم بالطويله
ركبنا جيب اخوي وطامر بنا لين قلنا بس
ووصلنا المخميم برضوض بسيطه هع
كان ودي اصور لكم الطريق
بس قسمن مافضيت هبل فينا اخوي
وانا مصلحه حلا من زين الاخلاق
وكل ماطمر بنا مطبه صرخت خرب حلاي
 على طاري حلاي كان ودي اصوره لكم بس يوم تذكرت اصوره اثره مخلص
قسمن فاتكم على طول خلص
بس ياهو نط مر ابلشتهم فيه كل شوي اقولهم وش رايكم بحلاي
ماتحسون اني كثرت هرج بدخل بالمهم
وصلنا للمخيم
وهذي صور له
 ^
^^ هذي صوره لخيمة الحريم
 ^
^^ هذي صوره لخيمتنا يالبنات هع
هذي مخبأنا السري
تبعا مسميته مخبأنا السري لان فيه شبيساتنا وشوكولاته حقتنا وكل خرابيطنا
 ^
^^
هذي صورة الدرج اللي ينزل من بمخبأنا السري هع
انا طول الوقت جالسه فيه
وطلع لنا انا وبنت خالتي جربوع
عاد انا رايحه لزوجة خالي اقولها شفنا فار ابيض هااع
فضلتني قالت جربوع موب فار هع
 ^
^^
هذي صوره لخيمه مهجوره هع قدام خيمتنا
باقي الصور بنزلها مع الصور للي يبي يشوفها
بعد المغرب وبدا الهبال
بدو العيال يطرطعون
وانا جايبه معي نجم الليل خخخخخخخخ
سارقته مع اختي بعد هع
البزران معهم صواريخ واشياء طويله هع وانا نجم الليل هع
المهم هذي صورة لهم وهم يطرطعون
 ^
^^
نفسي العب بذا الطويل هع اللي يطلع انوار بس اخاف
خالي عطاني الكبريت يقول ولعيه ويطلع زيهم انواع هاااع
تصدقون اني مخفه بغيت اصدق بس ربكم ستر
 ^
^^
ابوثوب هذي خالي (الامن)
خخخخخخخخخخ لاجا قالوا جا الامن هع
من جد مايخلينا نفقع صوايخ عالارض هع هع
 ^
^^ هذي بنت خالتي تلعب بلعبتي المفضله نجم الليل هههههه
محد عطاني وجه غير ذا المبزره يلعبونها معي هع هع
بعد مانهبلنا وخلصنا رحنا لمخبأنا السري
كنت جايبه معي شيبسات ورحنا ناكل بعد المطامر
وهذي صوره لاكلنا
  بعدين جت لنا بنت خالتي ومعها شكولاته وفله هع
وهذي صور لشبيساتي ومع شوكلاته
  خلصنا منهم واخذنا طاقه وبدت سواعتنا بالمخيم
وبينما حنا نسوع فيه شي قهرني
الا وهو دحملة هالبزارين
والله ياهالامهات مابقو شي بالدالاوب مالبسوه بزرانهم ياعمري
حتى ماعاد يقوون يتحركون من اللبس
عاد اعجبتني دحملتهم وجلست اصورهم هع
 ^
^^
هالبزر ماعمرها كلمتني ماتحبني ليش مدري هع
يوم شافت معي نظاره جتني بلبسها لاول مره تكلمني هع هع
 ^
^^
ماتحسونها بالقطبين
 ^
^^
ياعمري اشكالهم ينرحمون حتى مايقوون يمشون من اللبس
بعدها بدينا نضف عفشنا
وقالت لي امي اجيب ترمس القهوه والفناجيل حقاتنا من المطبخ ورحت اجيبهم
وصورت لكم حوسة المطبخ
 وبسك
وبكذا انتهت كل رحلتنا
زي ماقلت لكم
باقي الصور تلقونها مع الصور بنزلها
يالله
اشوفكم على خير 11月2日 اهلا اهلا بالعيد ][إهداء لكل من دخل سبسي][
بليز اي احد يدخل يحملها من جد تحسون انكم تنبسطون بالعيد لاسمعتوها هع هع
 ][الــــــــعــــــــنــــــــيــــــــــــــده][
][من القلب إلى القلب][
<<<ياملحي وأنا ذوق هااع
][بنت عمو..مصفقة ابليس][
امانه اوصفي شعورك يوم شفتيني اهدي
ووش رايك فيني مانيب ذوق زي بسمه خخخخخخ  ][الــــــــعــــــــنــــــــيــــــــــــــده][
][رفيزة عمري..بنت بن خيخي][
بس ولو يختي احبك هااع
 ][الــــــــعــــــــنــــــــيــــــــــــــده][
 ][الــــــــعــــــــنــــــــيــــــــــــــده][
][إهــداءات لزوار سبيسي][
 ][الــــــــعــــــــنــــــــيــــــــــــــده][
 ][الــــــــعــــــــنــــــــيــــــــــــــده][
 ][الــــــــعــــــــنــــــــيــــــــــــــده][
 ][الــــــــعــــــــنــــــــيــــــــــــــده][
 ][الــــــــعــــــــنــــــــيــــــــــــــده][
 10月1日 مقاطع صوتيه لمعجبيني هااعملاحظه:
تم تعديل الروابط
هلا عووون بالمقبلين
اخباركم وش مسوين؟؟
والله لي حول سنتين
<<من الوها باين التسذب هااع
وانا ادور لي سالفتن اقولها بسبيسي
المهم اني مالقيت
ايه نسيت اقولكم ابشركم نقلت لخدمه اجتماعيه
ادري ابشر امي هاع
نرجع لمحور حديثنا اللي هو اني ادور شين اكتبه بسبيسي
قلت يابنت اكتبي سالفت هوشتك بالخدمه
بس قلت مالها داعي
طويله السالفه مشوار اكتب هاااع
وبعد هالتكفير
لقيت لي موضوع
الا وهو اني بنزل اصوات المعجبين فيني
واهداءاتهم لي
اول شي راح ابدى
بخدامتنا ياحبني لها بس
 طبعا الصوت انا حاطته بالسبيس
بس بحطه هنا ثانيه
اذكرو الله عليها هااع
والصوت الثاني صوت طفله
معجبه فيني هع
وهذا صوت ثاني لنفس البنوته
وتراني موب انا اللي قلت لبنت خالتها تخليها تقول كذا هااع
<<مانيب فضيحه ابد
يالله عاد هذا كل اللي اقدر احطه وماخفي كان اعظم
<<<اين هين
واي احد معجب يبي يعبر عن اعجابه يعطيني المقطع
تراني اتقبل بصدر رحب خخخخ
<<ماتنعطى وجه
بس تكون لاتفشلوني خلوا اخوانكم الصغار يقولون
عنيده احلى وحده والا يمدحوني بكم عباره
يعني عشان ماتحطم خخخخخخخخ
يالله اشوفكم على خير
9月12日 مأساتي مع اول يوم بالكليه ياهلا بالمقبلين . . اليوم بقولكم مأساتي مع اول يوم بالكليه  . طبعا انا سجلت بكلية الاداب وينقل انشالله للخدمه الاجتماعيه خلال هالاسبوعين . المهم رحت داومت يوم الاحد بالاداب من الدفاره . واسحب معي امي عشان يطلعوني مايحجروني لين 12 . وامي اللي تجلس تطنز فيني . تقول::انا مدري اروح معك والا مع بشرى(باولى ابتدائي) قلت:: ابد هي بيسوون لهم اسبوع تمهيدي وحفله وهدايا وبتستانس
انا اللي بيضيق صدري ان حجروني لين 12 ولاعندي اسبوع تمهيدي زيها خخخخخخخ . بعد حلوف وحاله صعبه وافقت امي تروح معي . دخلنا الكليه . قالت امي::روحي شوفي جدولك وقاعتك وانا بجلس هنا قلت::لاوش يضمن لي انك ماتهجين وتعطيني امي ذيك التفشيله بغيت انسدح واصيح منها خخخخخ تقول الله يحلل بشرى عندك هع قلت::لوعندي حفله وهدايا زي بشرى ماخذتك معي كان جلست لين بكره لويبون
<<<<بزززر خخخخخخخخ . المهم ان امي حلفت لي ماتروح . وانا اللي ابدى مشواري بالكليه .. طبعا انا مادل ولاشي رحت احوس وانا اللي اضيع وانا امشي لقيت بنت توها داخله وتمشي قلت شكل ذي عندها سالفه وانا اللي امشي وراها وتمشي وامشي انا ياهي تكسرت رجولي وتدخل البنت غرفة العميده بغيت ادخل وراها بس فكني الله . يانا ودي اصطرها بس مالقيتها ثانيه والا كان صطرتها اجل الاحقها بالاخير تروح لغرفة العميده <<من حالف عليك تلحقينها خخخخخخخ . والقى شؤون الطالبات متجمعين عندها بنات . قلت الحشره مع الناس عيد . وانا اللي اروح . واشوف البنات اثرهم يبون نتايج ومدري ايش . قالت:: لي وحده وهي تنفخ(جعل لسانها للقص) وش تبين؟؟ والله على طول لساني خفت قلت::انا مستجده وابي الجدول <<قسم بالله رحمتني بغيت اصيح هع قالت::طيب روحي فوق دوري قسمك
وشوفي انتي بأي شعبه وخوذي الجدول قلت(وبكل برائه
 ):: مادل شيقالت(وهي تنفخ
 الله ياخذها)::روحي دوري وتلقينه.  وانا اللي انطم واقول طيب واروح.. من جد رحمتني ماسويت شي ليش تهاوشني. (يوم رجعت للبيت انقهرت
 ا اني مارديت عليها).
واروح احوس لين اخيرا لقيت البوابه . واروح لامي ركض . يوم شفت امي كني بزر مضيع امه . قالت امي وش سويتي؟؟ قلت::ماسويت شي
خلاص مابي بروح للبيت وامي مغير تردد الله يحلل بشرى هع
قلت::تعالي معي
قالت امي::من جدك انتي الا ورا مادخل معك القاعه
قلت::لاموب لزوم بس تعالي لاينافخون علي
قالت::روحي بس أسألي وتلقين
. وتجي حارسة الامن يالقفها . قالت:روحي تعرفي وأسألي دوري الكليه كلها كذا البنات . مو تجين مشوار وتجيبين امك معك وتطلعين بدون فايده . وانا اللي اقولها وش دخلك انتي (بس بقلبي طبعا قلت لها خخخخخ) . . وابدى مشوار ثاني . المهم اني لقيت درج مع باب جمب البوابه على طول . قلت برقى معه عشان انزل على طول لامي . رقيت والقى درج ثاني وارقى خخخخخخخ احسني خبله . وانا اللي القى ذيك البنت قالت انتي مستجده قلت ايه . قالت وانا بعد . بغيت اقول بشري امك بس تعوذت من ابليس  هااع. قالت ابي اعرف وين فيه قسم الجغرافيا . قلت وانا وش دراني خليني القى قسمي . وانزل انا وياها والقى بنات ثلاث . قالوا انتي باقي قسم قلت تاريخ قلت وانتم قالوا وحده عربي وحده جغرافيا وحده تاريخ . قالوا تعالي معنا ندور اقسامنا وانا اللي اروح معهم . ونلقى العربي . وهم اللي يجلسون مع صديقتهم بالعربي ويجحدوني . واروح ادور والقى بنت قلت انتي باي قسم قالت تاريخ . قلت انا بعد تدلين وين قسم التاريخ . قالت ايه روحي من هنا وطولي مع السيب بعدين روحي يسار وبيجيك قسم التاريخ . وانا اللي اروح . ولاالقى لاقسم تاريخ ولاهم . والقى دكتوره مدري استاذه . قالت مستجده قلت ايه . قالت باي قسم قلت تاريخ . قالت التاريخ بمبني ثاني قلت طيب كيف هع . قالت روحي امس من هنا واطلعي من ذا المبني وامشي بالمبني اللي بعده واطلع منه هو بالمبني اللي بعده (شرهتكم على اللي فهم) . وانا اللي اروح واحوس واحوس . والقى وحده استاذه مدري دكتوره . قالت باقسم قلت تاريخ قالت هنا التاريخ . والله بغيت اضمها من الفرحه . قالت باي شعبه انتي قلت مدري . قالت وش اسمك قلت لها اسمي . قالت انتي بشعبه أ شوفيها هنا وانا اللي اروح وادخل مالقيت احد ابد الله يكره بليسهم كسلا غايبين وواروح اويق عالشعبه اللي جمبنا والقاها مليانه بنات ياحبي لهم دوافير . قالت لي وحده انه ماجا احد منهم تعالي وقعي حظور وانا اللي اوقع . واروح متشققه مادري وش مخبي لي الزمن هاااع . وامشي وانزل مع درج . واناظر موب ذا الدرج اللي رقيت معه . واروح امشي واحوس ادور وين جيت معه عجزت اذكر . قلت يابنت الحلال انزلي مع اي درج لين تلقين رزقك . وانزل مع درج ولاادري وين انا فيه . واجلس احوس والقى بنات واجلس اسولف معهم . قلت لهم اني ضيعت البوابه . قالوا لي اي بوابه دخلتي منها . قلت مدري والله باب دخلت معه خخخخ . وانا اللي احوس انا وياهم مالقيت دربي قلت يابنت وسعي صدرك وسولفي دامك ضايعه ضايعه . جلست اتمشى معهم . وحنا نمشي لقيت البوابه اللي جيت منها احس ان الحياة رجعت لي من جديد ودي اروح اضم البوابه من الفرحه وانا اللي اقولهم مع السلامه واهج وهم مطيرين عيونهم مستغربين . واروح لامي قالت وينك ادق عليك ماتردين قلت اكيد انها بمحاظره وجيت ابروح يوم رحت للسياره لقيت جوالك فيها من الدباشه ناسيه جوالي بالسياره . قلت والله لوك رايحه كان انبطح بالنص واصيح . وانا اللي اطلع من الكليه بعد عناء دام 3ساعات وبسسس
يوم جا اليوم الاثنين
وانا اللي احلف ماروح قلت مابي لين يجون صديقاتي مسافرين وامي مغير تطنز فيني تقول الله يحلل بشرى هع
بس ماعلي منها مانيب رايحه لين يجون صديقاتي
ملاحظه:: السالفه صحيحه بس فيها مبالغات لزوم البهارات هع وبسس
 9月5日 سو ياسو هلالي حبسوه
اليوم يوم يسجل بالتاريخ
فاز النصر على الهلال
1_0
احسني مستانسه ودي اناقز
ياعمري حتى ابوي اول مره اشوفه مبسوط
والله انا مالي التشجيع
بس ابوي متعصب نصر ودايم يخسر النصر ويحط حرته فينا
واليوم مستناس ابوي
طبعا انا استغل المواقف
قلت له يعشينا وعشانا
بيتزا
مبرووووووووووك لكل النصراويين
باااايووووو 9月4日 ياهلا باللي لفانا من بعيد
هلاااااااااااعون بالجميع
وش اخباركم؟؟
وش مسوين؟؟
والله اني تفشانه ولاعندي شي
ومصفقه بنت عمي مسافره
قلت اكتب موضوع هنيا
اوسع صدري
عندي لكم نكته على كثر ماسمعها بس تضحكني
بليز لااحد يقول قديمه
فيه تكرونيتين يسولفون
قالت وحده::انا سديقي يبدى اسمه بحره أ
قال الثانيه::اكيد اسمه اهمد
قالت لاخطأ::اسمه ابودي
خخخخخخخخخخخخخخخخخخخخخ يامحلها بس
يالله باااااااايو |
|
|
